La Mensa Grill & Bar (Oasis Place) (已結業)

兩個人午餐點了一客大蝦蘆筍意大利飯，一客雞肉磨菇意大利飯，加一杯cocktail。食物份量大，蝦大隻鮮味，意大利飯亦做得不錯，確係抵食好食，但係但係⋯⋯點解management完全無諗到指示人點去餐廳嘅？行行吓喺路中心見到La Mensa個board，上面有menu不過⋯⋯無任何指示餐廳喺邊度！大佬，唔係人人都係啟德地膽，左走右走定向前呀？大太陽下33度搵嚟搵去終於搵到啦，點知⋯⋯餐廳完全唔夠凍。轉過一次枱都無用，室內室外溫度相差無幾，一住食飯一住流汗😓。