健康食品拉麵 (威利大廈)

营业中

休息中

餐厅位于中环，我哋都系搭地铁，跟住慢慢行过去，沿着天桥嘅话都好快到，我哋今日系红日去，所以整体上都唔系太多人，餐厅主要系有一间卖日本嘢食嘅居酒屋，所以日头都应该唔会太多人，因为之前朋友试过夜晚去，所以佢今日都叫我下昼去试吓 ，今日我哋每人就叫咗一碗拉面同埋一个冻嘅乌冬 ，整体上嘢都几好食，我觉得都可以推荐俾大家！✔️豚骨拉面有两件叉烧，再加一只糖心蛋，拉面我就叫咗比较硬身，餐厅嘅拉面系偏向九州福冈嘅风格，非常重豚骨嘅味道，所以我觉得几好食，而且味道非常香浓，充满猪骨嘅味道，感觉上都非常偏向日本嘅风格，餐厅嘅老板娘都系日本人，非常好似返咗日本居酒屋嘅感觉，非常好！