丼丼屋 (青衣城1) (已結業)

平时成日都经过丼丼屋，但都无入到去食，今日黎到青衣城，又咁岩想食日本野，又咁岩有佢㖞，就一于试下啦！因为唔算好肚饿，所以同友人一人叫左一个井黎食，无叫到佢D SET餐，但如果有兴趣食SET餐既话，其实都唔贵，只系+15HKD就有。落ORDER果阵，个店员姐姐都好NICE咁预先提醒我地大概要等15-20分钟先有野食，所以都有定心理准备。结果真系等左20分钟左右陆续有野食上黎，眼见其他比我地迟黎既客人叫既野食都一早黎左，我就会不禁产生一个内心小剧场：系咪因为系叫鱼生先会咁耐呢?熟食好似快好多WＯ.....但我地叫既野食都唔系好多炸WO!? ANYWAY,带定头盔，我有晒心理准备架。我地叫果两个丼，其实都系常见既，一个系辣三文鱼亲子牛油果丼另一个系什锦刺身丼。Ｄ刺身鱼生都几新降，辣味三文鱼无辣味，但配埋牛油果一齐食就好香口。唯一美中不足系，我觉得饭唔够好食，唔似系日本珍珠米。不过整体黎讲系OＫ，系等食时间长。