Chill Vietnam Cuisine and Bar

营业中

休息中

D2 place一向都系会成日去既餐厅，今日再黎发现有间新既越南餐厅即管试一试。一句讲晒「平，靓，正」！首先叫左「小食拼盘」$138 有春卷、粉卷、札肉同埋香茅虾棒，抵食既 样样都2件 大大件。之后叫左「马拉盏炒通菜」$78，属于中上水平 稳定好食。「烧牛柳沙律」$88，牛柳数量多、大件，呢个价钱绝对接受。全晚令我最惊艳嘅绝对系「桔仔芥露烩虎虾」$158。虽然150几蚊得四只但系只只都大大只，同埋本身出街食海鲜都预咗比较高价钱少少，而呢一个烩虎虾系绝对抵食，只虾本身新鲜爽口已经好基本，个汁系绝对嘅惊喜 椰香味咖喱味同埋最特别嘅系个桔仔少少酸酸甜甜味。食咗一只之后忍唔住叫咗个油炸鬼嚟送。呢间越南餐厅算系我喺香港比较数一数二食到好味嘅平民越南菜，绝对会再嚟。今次嗌得太多嘢同埋我得两个人，所以试唔到啲主食，下次过嚟再食。