大都烤鴨

营业中

休息中

今日约左旧同学聚一聚，大家都话想食片皮鸭，最后就决定拣左呢间位于尖沙咀K11入面既大都烤鸭喇。环境方面，座位阔落，坐得舒服，唔会话逼住逼住咁，所以呢餐饭都食得好舒适。服务态度方面，等位黎讲都算快，因为都比较多人等，但我地都系大约半个钟就入到去。服务员既态度非常好，上菜速度好快，见枱面唔够位会帮我地执走晒食完既碟。食物方面，咁我地一行4人就叫左4人晚市套餐，食物既卖相都好靓，当然味道都唔差。值得一赞既系呢餐饭既主角片皮鸭。鸭皮脆薄，鸭肉都好嫩滑，食落又唔会好油腻，系必食既一道菜。唯一美中不足既系份量有啲少，大家都食唔够喉。价钱方面，晚市黎讲呢间餐厅既价钱合理，咁既价钱食到咁高质素既中菜就真系无得顶。