醉紅樓河鮮軒 (已結業)

公司同事做节，拣左黎试醉红楼，意外地几好食wor人到去感觉好光猛，好干净，张枱布都系白雪雪架。公筷，豉油，醋，湿纸布，乜都齐，赞！虽然lunch time系繁忙，但系所有姐姐仔都好有礼貌，好友善，感觉到自己好重要。　煎萝卜糕：出到黎重有烟，食落真系热辣辣。　萝卜好新鲜，完全唔粉，又唔干，唔硬。好食。　烟鸭胸：冷盘。平时出去食烟鸭胸会觉得个烟味会太重，有种烧𤇭左既味，而且教出黎个味会偏咸。今次醉红楼个烟鸭胸不旦冇左个𤇭味，而且一D都唔咸。正!!! 推介一。　蚝仔粥：　D蚝仔好肥好甜呀。哗，好得！　最低系佢，三十几蚊碗，有米有汤又有蚝，yummy!!! 个个都话正。　豆腐：好似臭豆腐咁，只系冇左我平时加既麻酱同甜酱。D老人家好钟意我自己就真系嘛嘛... 佢地话正中潮州豆腐系咁bor　娥眉野菌肠粉：豉油系另上既（感觉好健康），不过我地自己加哂落去。　好清好多料，可能架左豉油，所以一D都唔觉得淡口。　山竹牛肉球：都系热辣辣，喼汁都系另上。整体上，我地大家都好满意。