隱世雞 (裝修中)

今日大角嘴午餐游行去远啲，再远啲！去到奥运大角嘴既边缘，富荣花园巴士站旁既《隐世鸡》！呢个时势，有边个吾想隐世吖，咁有共鸣咪顺便试吓佢！铺头细细，大约坐五张二人台；点左推荐既《隐世口水鸡》，等左大约十分钟前后上菜。自制既口水酱只系微辣，跟萝卜蓉，花生，荽茜，午餐份量用细碟上。不过，今次有脾食！鸡冇走骨但系非常滑，鸡脾肉亦非常冧，一咬落去，鸡肉拍得住豆腐既软度，俾老人家食都冇问题。呢点十分赞。其实，大角嘴附近吾少鸡饭店，《隐世》绝对拍得住大角嘴另一边大全街埃华街既海南鸡专门店，亦平过好味过奥海城商场入面𠮶啲。见餐牌有吾少菜式，期待返嚟再试。等候上菜𠮶十几分钟，见小店外卖不断，舖头未够十二点半已经坐满人； 似乎好食既野，点《隐世》都会被发掘的！总结： 正常价位，口水鸡质素十分吾错。装修环境可以改善。