同人鍋 (已結業)

同朋友黎过一次，一直念念不忘巨型海鲜拼盘，终于又有机会再食多一次了。第二次黎到的感觉好熟悉。今次见到佢地promote椰子鸡煲，但我地一行4人都系麻辣鸡煲爱好者，椰子鸡唔是我地杯茶。同时亦见到佢地做紧唔少promotion，带小朋友去超级抵！作为翻头客，最吸引我地的当然系：鸡煲、肥牛、海鲜、龙虾汤啦！入座黎店员极速捧上鸡煲，鸡肉依旧嫩滑鲜味，汁底好足料够哂惹味。今次点左微辣，微辣微麻当中更加食到鸡味。食鸡煲一定要加上特制红薯粉啊！吸收左汁底的精华，好入味。过左无耐，店员再捧上另一重头戏：龙虾汤底。原只龙虾同样吸睛马上比我地瓜分左。最欣赏佢度的地方系，佢地会有两个炉，可以同时食鸡煲又用龙虾汤底打边炉。先渌手切肥牛，牛肉好靓好新鲜，牛味十分浓。但呢款靓肥牛系按人头供应，不设追加的。等多一阵，海鲜拼盘终于上场。八款时令海鲜，无花无假，当中大概有一半系人头供应，而另一半系无限追加架！我最钟意食鲍鱼同广岛蚝。鲍鱼鲜味有咬口，广岛蚝软滑creamy一d都唔腥，正。打完大佬之后，店员都捧上一碟较为普通的火锅生料拼盘。同时都比左Order纸我地追加自己钟意的食材。我地就追加左两次肥牛粒，牛味都好浓郁。