吉列牛忌廉烏冬專門店 (百樂中心) (已結業)

烧牛牛又记起时代广场背后的百乐中心，位置方便唔驶等位，食物美味套餐唔贵几抵食，间中食下都唔错。套餐二 $246吉列牛定食 + 咖喱忌廉乌冬(小辣) + 2饮品吉列牛定食定食包有饭、面豉汤、冷豆腐、车厘茄。牛牛用热石炉慢慢烧几过瘾，十小块够烧两转，牛肉粉嫩唔韧，仲有吉列脆脆口感几特别，热食的确好味。咖喱忌廉鸡肉乌冬上次食过今次再encore。白雪雪厚厚嘅忌廉覆盖住香浓嘅咖喱乌冬。稻庭乌冬口感柔滑烟韧弹牙，每条乌冬都好挂汁，忌廉令乌冬带来滑滑口感，配埋嫩滑鸡肉非常好食，咖啡汁好味到一滴都唔放过。Rose Garden好香的玫瑰味，似系沟荔枝味梳打，味道清香甜美可口，好饮。Passion punch百香果梳打甜度适中，果香清甜，唔错。鸡软骨饺子 $38饺子四件煎得香口唔油腻，味道一般，食到零碎的鸡软骨有啲口感。