Rimi Cafe (已結業)

放工想揾个可以坐得耐嘅地方同男朋友hea吓倾吓偈，café真系唔错嘅选择，今次拣咗旺角嘅Rimi Café，嗌咗个二人餐，小食同主食都有好多唔同选择～椒盐烧卖作为烧卖控嘅我，一定系嗌椒盐烧卖，炸到外脆内软，二人餐嚟讲，份量又多，够晒满足！意式青酱鸡丝炒阔条面男朋友对青酱口味嘅嘢食都情有独钟，所以佢话点都要叫呢个阔条面嚟满足吓自己～青酱浓郁得嚟又带有少少creamy，配搭埋鸡丝好正！红酒烩牛肋条配意粉牛肋条配上红酒汁好滋味，牛肋条又啖啖肉，个又汁够渴身配埋意粉，十分好味！饮品方面，我嗌咗OREO奶昔，劲好味，仲有OREO饼碎做Topping劲满足，男朋友就叫咗水蜜桃梳打，不过不失～