巴剎雞飯 (已結業)

餐厅位于西环西营盘高街64号地舖今日下午时间嚟到一间餐厅人数都唔少人，只有一张空枱，上网睇过呢一间餐厅出名嘅有猪手饭同埋佢嘅鸡！今日同两个朋友就叫咗几样嘢share！🤍巴刹鸡(half) 半只鸡嘅份量，原来都比我哋想像中多，而且帮我哋去晒骨非常方便，啱晒我哋呢啲死懒鬼！餐厅会有一个特别制造嘅酱汁，酸酸辣辣咁点落去个鸡度几好食，而且味道都非常夹，唔会有太辣嘅效果！而且每一件鸡都非常嫩滑，价钱嚟讲亦都唔算真系太贵CP值非常高，难怪见到有好多上班一族过嚟买外卖，眼见至少到有10几张单以上，午饭时间都几夸张！🤍炸皮蛋饺/净皮蛋饺，我哋分别叫咗炸嘅同埋汤，每一款都决定试吓好唔好食，两样都出奇地做得唔错，第一次食皮蛋加埋饺子呢一个配搭，食落去肉质非常juicy, 炸饺子，亦都唔会有太干嘅效果，食落去都觉得唔错！🤍牛肉猪肉串烧，餐厅为咗令到串烧保温会有一个细细地嘅火炉喺下边令到串烧嘅温度可以保存！呢一个位非常贴心，我哋都觉得可以值得加分！再加埋佢本身嘅沙嗲酱，我哋都觉得非常好食！总括嚟讲呢一间餐厅CP值都非常高，大家如果去开西营盘都可以黎试吓