Outback Steakhouse (德福廣場2期) (已結業)

今日同一大班同事去咗呢間西餐廳食午餐。我就嗌咗個海鮮蕃茄意粉，個蕃茄意粉份量比想像中大，一個人食有啲飽，如果唔係有啲肚餓都食唔晒。呢度環境幾舒服， 服務都OK。如果返工唔係太忙，會再嚟過食。仲要一提嘅就係佢嘅黑糖包，上海嗰陣焗熱咗，加上忌廉真絕配，每人半碟真係唔係好夠喉，最後就外賣咗一條走，其實價錢都唔貴只係$ 12 有1條。我同事見我買咗，佢都後悔自己冇買到。另外我哋仲嗌咗炸洋蔥同炸蝦share食，不過今次個炸洋蔥細，覺得有少少唔抵，炸蝦就保持水準同尺寸，每人都分到兩隻左右，勉強叫做夠啦。我見我同事食比目魚配飯，綠葉煎得好香，所以我冇食到，我都感覺到係好好味，我下次一定會叫呢個。我哋仲有一杯餐飲，我叫咗凍檸茶，我有同事就叫咗凍奶茶。我同事話杯凍奶茶麻麻哋，等你啦，西餐廳叫奶茶又點會好飲呢？檸茶就OK啦，檸檬亦好多，合格。