塚田農場

营业中

休息中

𠮶晚收工之后，老公带我到尖沙咀𠮶边，话要食日本餐，谂起我哋两个真系好耐冇食日本餐喇。佢话呢间餐厅系同事介绍嘅，个个食完都赞不绝口，所以就带我嚟呢度一齐试吓。首先餐厅入面嘅环境真系一流，一眼望去仲有靓海景，食嘢都特别有胃口。我哋点咗美人涮锅，汤底拣咗和风鸡白汤配和牛&鹿儿岛天然豚肉。鸡白汤经过长时间嘅烹调令鸡骨溶化到汤入面，每一啖都系营养精华，唔使调味料，味道都非常香浓。配埋和牛一齐食更加系人间美味。和牛吸咗鸡白汤嘅味道，肉质细嫩，脂肪分布均匀，口感丰富，食到停唔到口。鹿儿岛天然豚肉喺烹调过程中，香味四溢，令肉嘅口感更加软腍迷人，肉质肥瘦适中，口感柔软，咬落去仲有啲嚼劲。我哋仲点咗明太子年糕薄饼，味道带有微微嘅辣度，明太子咸香味十足，香脆可口。之后仲食咗日本产油渍生蚝，生蚝肥美，味道鲜甜，非常好吃。最后仲食咗腐皮葱卷同豆腐，豆腐好嫩滑，腐皮葱卷食完念念不忘。