秋香 (康景花園)

营业中

休息中

专登入左屯门试下隐世煲仔饭，餐厅环境气氛良好，有特色。二人餐首先有前菜有味噌汤，威士忌烧蚝好正，带酒香之余仲保留紧蚝嘅海鲜味，食落都好Creamy。串烧拼盘，日本厚切豚肉串及牛肉串，肉质非常鲜嫩，啖啖肉汁，肉味亦都非常香浓。除咗肉类仲有烧车厘茄同埋菠萝。炸物拼盘，有炸多春鱼、海苔鱿鱼、炸鸡块，特别推介炸多春鱼，炸粉好薄，而且好香脆。嚟到一定要食煲仔饭，我哋拣咗玉子蟹肉蟹柳蟹膏大混战煲仔饭，蟹棒同埋玉子，劲大嚿劲厚身，中间仲有劲多蟹膏同埋蛋黄，捞埋一齐食，真系好邪恶，嚟到一定要试吓。食完饭点少得甜品，有脆脆乳酪配绿茶蕨饼。之后仲叫咗啤酒同埋黎明来到，黎明来到有啲似杂果宾治酸酸甜甜十分开胃。