一焼肉

营业中

休息中

近期非常流行一人燒肉，呢間位於上水廣場頂樓。雖然位置較偏，但始終位於上水廣場之內，距離港鐵站好方便。人流唔算太多，自然唔需要等位。場內環境四正，而且空間足夠。餐牌同市面燒肉店差唔多。要講食物質素，個人認為呢度品質較高。好多人都知，如果太多肉汁滲出來，後期會令火勢更猛，好影響燒肉時間。而呢間就比較少見呢種情況，呢種細節位見到廚房有心做少許加工👍🏻，值得一讚。餐廳整體感覺良好，評分7.5/10。上水出名美食沙漠，能夠有一間燒肉店，相信造福唔少上水人。