佐賀燒肉谷 (大鴻輝(荃灣)中心) (已結業)

星期二放工，约朋友系荃湾食晚饭去到大鸿辉揾野食，行经佐贺烧肉谷环境同menu好似几吸引因为对我黎讲食饭倾偈环境同食物都好重要7点半入座，侍应俾左卡位我地，都几阔落解释完个menu, 拣左Level 4极上和牛海鲜放题头盘一到就少不免相机食先，有主打烟熏壶渍封门柳，侍应哥哥帮我地烧，入味多汁，所以之后我地都encore左两次九宫格嘅肉我地逐样烧逐样试，最钟意就系安格斯牛小排同牛颈脊，肉质软腍腍~有时去其他烧肉店好惊d牛肉质鞋口，但哩九款都属于中上，最最最钟意，就系我至爱嘅牛舌，爽口之余仲劲有牛香，一d都唔韧，encore左超多次其次海鲜我地叫左虾、蚝、蚬，特别推介个虾，大大只虾啖啖肉好正~最好笑系我地叫左好多野食，当侍应放低个旧白色野，硬硬地，仲谂紧我地有叫咩？原来系年糕，烧起上黎外脆内软，口感好得意，好似唔系好多地方有得食整体上黎讲我觉得几好，野食同环境都几满意，值得一赞系d侍应，好有礼貌，见亲我地清一碟就会帮我地执干净，唔错！