品川日本料理 (已結業)

特登黎荃湾西激安行下，顺便就黎试下呢间品川放题！一入黎环境好开扬，钟意私人空间既有一个好舒服既榻榻米，钟意望景既人仲有海景枱，枱与枱之间都会有一块拉帘，唔似好多放题店好逼既感觉~~跟住就讲野食啦！！同其他放题舖一样，都系可以用QR Code点菜，一开menu见到有好多种类既刺身，就同friend咩都叫d试下，送到黎真系心心眼😍😍劲大同靓既一座刺身船！！相信睇到信既你都会流晒口水~~串烧特别推介牛舌同鸡肉，非常好味！！黄金帆立贝都系落足料，沙律酱芝士加蟹柳系绝配既酱汁，不过最重要系佢真系即烧，无其他放题好快冻既问题。食到小饱，就出去攞野饮，呢到既另一大亮点系有保住热既清酒，我好钟意呢个service!! 特别食左好多冻刺身，黎一啖暖胃酒非常爽！至于锅物我推介牛肉锅，入面仲附送温泉蛋~~寿司一向放题都少食因为易饱，但呢到特别之处系有火灸，喜欢既可以一试！最后特别推介榴梿炸弹(当然唔钟意就唔好叫啦XD), 唔好唔记得拎一人一杯既haagen dazs雪糕！！顺带一提，呢到送餐既速度非常快，所以如果想保持新鲜/热，记住可以分开慢慢叫！