椰粉湯紅 (已結業)

今日约咗喺湾仔嘅同事一齐食饭, 咁湾仔呢一头佢都几熟， 咁佢就带我食一餐健康有营养嘅晚餐。我地叫左佢地首创的竹丝海南鸡椰香饭套餐，咁餐包括以下:竹丝海南鸡饭: 咁呢一个海南鸡饭最特别之处就系佢用咗竹丝鸡，其实呢个系我第一次食嘅竹丝海南鸡，所以我觉得好新颖，而且海南鸡都几嫩滑， 另外椰香饭好香而且饭系冇油咁济， 另外海南鸡酱汁酸酸辣辣咁样几开胃 。所以我觉得呢个海南鸡饭真系几健康唔油腻。食疗拿杯汤: 呢个系今日嘅餐汤- 青红萝卜炖鸡汤， 好入味同新鲜， 饮得出真系自己煲𠮶啲汤 。 热辣辣咁送埋嚟， 令我非常之钟意。 而且佢呢个汤其实系可以外卖， 咁有营养嘅汤好过饮其他嘢饮。时令靓菜: 食得出非常新鲜， 渌菜嘅时间啱啱好。炭烧鳗鱼椰香蛋包饭: 其实呢一个鳗鱼饭系我同事叫嘅，但系我食咗佢少少鳗鱼觉得𠮶鱼烧得都唔错，而最令我意外嘅就系个蛋都系鲜嫩同滑。 仲有佢有个椰汁畀你去送饭，个椰汁亦都整得好好味。最后如果大家行开湾仔大家可以试下呢一间几健康嘅餐厅 而我几钟意佢个海南鸡同个汤。 因为可以见得出呢一间餐厅所有嘅食物都几用心去制作，大家不妨支持下啲小店啦。