拉斐特 (已結業)

圣诞节正日嚟到拉菲特食圣诞大餐，一早预订好的，所以三百几蚊一位，仲有得送饮品同一杯红酒。虽然地方唔系话好浪漫，但系以呢个价钱来讲，我觉得真系好抵。本身以为会系好香港式嘅西餐，食落先知道都几正宗下。牛扒同龙虾都好好味，仲有配埋一只鲍鱼，样样都唔错。个汤绝对唔系金宝果种，应该真系自己煮。我相信如果同一个质量，仲要系圣诞节正日，喺第二间餐厅一定唔会唔会系呢个价钱。所以如果下年佢仲有呢一个套餐，都应该会嚟食多一次。服务员嘅态度亦都唔错，上菜都上得好快。