野玩山店 (已結業)

我为咗庆祝阿女开学冇喊，我哋带咗佢去食semi buffet! 要揾间餐厅有得玩又有好嘢食，又要干净企理，最重要系有我最钟意嘅榴梿甜品。除咗呢度，我谂唔到仲有边间餐厅可以一次过满足哂三个愿望啰⋯⋯首先啲头盘已经非常新鲜同好多种类拣，有沙律吧，有小食，又有甜品区。然后又有主菜可以自己选择。阿女都有个儿童餐，我哋叫咗个炸鱼薯条，薯条织造即炸好香脆又够热，份量啱啱好足够佢食有余。都想赞下餐厅职员，服务非常之好，阿女话要去玩帐幕，所以我哋要调枱，佢哋都好手帮我地将啲食物传过去另外一张枱。另外，餐厅仲送咗一个榴梿多士俾我，虽然老公同女女唔食榴梿，我一条友竟然可以食晒个甜品，因为真系真心好食。下次会再来！