萍萍上海館

营业中

休息中

是晚嚟咗长沙湾之友介绍嘅萍萍上海菜馆试下，听朋友讲呢度又平又好食，晚晚都爆场㗎。先睇下餐牌，有几个晚市套餐都好抵食㖞，就叫两set先，再加个甜品就完美啦。⭐例汤伙记话套餐有例汤送，是晚喺冬瓜猪骨汤，清清地都几好饮㖞。⭐水晶肴肉晶莹剔透，咸香鲜味，系好食㖞😋⭐上海排骨菜饭排骨一大碟份量好多，炸得香口但略微干身咗少少，菜饭粒粒米软硬适中，仲啖啖有菜香添。⭐酱炒包心菜椰菜同杂菌炒成嘅酱炒包心菜，卖相虽然一般，但食爽甜好下饭👍⭐上海小笼包个个街坊都有叫嘅小笼包果然冇令人失望，小笼包入面汤汁饱满肉馅鲜味，一口一件滋味无穷🤤⭐爆馅素春卷见餐牌有个春卷特价又叫咗一份试试，好大条春卷！入面有粉丝、椰菜、红萝卜等，炸得香脆馅料清新，好好食呀😋⭐香酥豆沙锅饼最后就系甜品豆沙锅饼喇，同样系即叫即炸，上枱时热辣辣香喷喷，豆沙馅软绵绵起晒沙，甜度啱啱好，正👍⭐冻豆浆跟餐仲有饮品送，叫咗两杯冻豆浆，冰冰凉凉有豆香，唔错呀。值得超饱好满足，街坊果然冇讲错，又平又好食😘