秋意 (成業工業大廈)

营业中

休息中

每一次都系谂住叫豉油鸡便当，因为个卖相真系好靓，但到左落单嘅时间就会变咗豉油鸡配汤面。 （本系系个汤面怪🤣）最钟意豉油鸡嘅鸡皮甜甜地，鸡肉又滑捋捋，唔会太老过熟。汤有鸡味，我谂系用左啲鸡骨去煲。汤面会有豆腐卜同木耳，豆腐卜吸收左啲汤，简直系正正正。朋友叫咗个蒟蒻面，应该系用豉油汁去捞，喺面再加上芝麻。试左一啖，个面本身已经有酱汁底，再加上芝麻，香味更加升级。已经喺心里决定，下次要食蒟蒻面。😍今次叫咗柠檬薏米水，对我来讲比较甜。之前试过水果茶，力推。如果第一次食，强烈建议豉油鸡配蒟蒻面再加水果茶。环境干净，老板同职员都好好礼貌。绝对系会想再去。温馨提示：蒟蒻面有机会卖晒㗎，要食就要早啲去，最好1点前。因为食到一半嘅时候，听到后面新入嚟嘅食客想要蒟蒻面，结果被告知卖晒。