明記海鮮潮州菜館 (天保大廈)

营业中

休息中

咁朋友约埋一齐食饭，大家意见多就好难谂食乜，咁最后就决定去食好耐都冇去食既明记。咁我地一入去等左一阵就有位，之后叫左个脆皮牛腩，椒丝腐乳通茶，椒盐茶树菇，啫啫鸡煲同埋卤水拼盘。咁个卤水拼盘不过不失，都够入味，份量都有好多，而且入面有好多我最中意食既鹅肠，都清得好干净。椒丝腐乳通菜就够获气，好食过一年前我地黎食果阵，今次食得出啲通菜同腐乳既味混和一齐。啫啫鸡煲不过不失，但鸡既份量少左啲，但猪润既份量都几多下，最紧要系啲猪润入味同唔苦。椒盐茶树菇比我既感觉系送酒一流，炸得好干身，同埋都仲食到茶树菇既味，而且佢既份量仲要系超多，有机会我都会再叫黎食。脆皮牛腩，咁今次我地第一次叫黎食，咁佢比我地既印象都系唔差既，外貌好睇，做到外脆内软，牛味都充足，只系食落去果下冇乜惊喜，真系一旧有脆皮既牛腩。