貴川風味館 (已搬遷) 新店位置

今晚同男朋友庆祝，揸住架电单车又唔知食乜好，男朋友提议去旺角，食间佢中学时代经常食嘅米线。一入去间铺头已经闻到好香嘅酸辣味，我同男朋友即刻嗌咗个猪软骨腐皮炸鱼片小酸辣米线、麻辣猪耳同麻辣青瓜。碗米线嘅酸辣味道唔错，无出面其他铺头米线咁酸，啱哂我唔食得太酸，又够大碗，两个人share都够食，不过辣度就唔够，下次应该要叫中或大辣。个麻辣猪耳同麻辣青瓜个汁都好够味，又够麻，唯一不足就系个青瓜有少少油炸味同拍得唔够细粒，太大旧。