浦和日本料理

营业中

休息中

同事带我嚟食 lunch，一落去估唔到有咁大，感觉好次系𠮶种开咗有返咁上下耐，有少少年代感嘅港式日本餐厅，佢入面仲有几间和式房，要除鞋𠮶种。我哋都各嗌咗个 set lunch，有蒸蛋同沙律。几香滑，有香菇、鸡肉、同D蟹子撒上面，跟餐嚟讲都几足料。沙津一般般，菜系新鲜，但系个汁麻麻。同事个鱼生饭都ok，有海老、带子、油甘鱼、三文鱼腩同鱼子，又未至于超好食，质量都系比放题好少少咁啦！我嘅照烧鸡扒，冻乌冬定食唔错嘅，鸡扒有少少震味，不过都几 juicy，点D胡蔴酱都几好味。乌冬都算弹牙，佢系跟胡蔴将，但系我另外要冷面鼓油，佢都乐意提供。最特别系有无花果tempura，食落几得意，外脆内软，仲带有果香，酸酸哋，真系第一次食！最后仲有咖啡或茶，同个 milk pudding，都几好味！埋单三百蚊倒，ok啦，不过胜在坐得舒服，同时就系MTR出口隔离，都算几就脚！