大丸和風食堂 (已結業)

平时去开旺角食日本嘢都系食拉面，今日平时食开间舖头冇开，花园对面开咗间新嘅日本餐厅，感觉到几似日式居酒屋，门口挂满左灯笼🏮感觉都几开心我哋今日叫咗好多嘢食，有鸡皮饺子、天妇罗乌冬、鱼生饭、寿司、寿喜锅、鸡软骨。☺️☺️每样嘢食嘅质素都超乎预期👍🏼寿司件件厚切！满足感爆登，带子嘅鲜味喺口入边发发出嚟，好正！🔥🔥鱼生饭嘅鱼子好饱满，就好似一粒粒红色嘅珍珠😋😋天妇罗乌冬嘅天妇罗都系新鲜炸起，而且粉浆嘅调配啱啱好，做到外皮香脆，内里juicy ，坊间好多舖头都未必做得到🧐寿喜锅就啱晒冬天食，食完个人暖笠笠，入面仲有唔同嘅新鲜蔬菜同大量牛肉，价钱又唔贵，属于必叫之选。🤩🤩总括嚟讲，真系好过食连锁店！