影片
更多
2020-04-02
2826 浏览
系疫情影响下，真系少咗好多出街食饭，唔系系屋企煮就叫外卖，今次想介绍呢间外卖，系平时可能冇乜人知道佢既存在又或者叫Pizza就只会谂起其他果两间大牌子。其实佢比起其他平d之外，讲真，佢真系几好食，佢既炸鸡好食过果间英文字(只系我个人感觉)。佢有分好多抵食套餐，有分星期一至五套，大胃餐等等，组合都好多选择，一定有适合大家既套餐，仲有散叫，点叫点组合，任君选择。地点：长沙湾分店店铺：脆味批今次我就叫左个大胃C餐，佢系提供比4-5人份量，由于我叫时已经下午1点，我地三个人又乜都冇食过落肚，所以就叫个大少少，就算食唔晒，都可以留起，夜晚食。大胃C餐:任何大批一个意粉/焗饭/小食/炸鸡五件(任选三款)饮品五罐/餐汤五客/蒜蓉包(任选一款)大批 - 樱之花洋葱、粟米、蟹柳、狮子狗、烟三文鱼、紫菜、芝麻由于我真系好怕洋葱，所以叫左走洋葱，呢个批系我最钟意食，食过其他，我始终对佢情有独钟，因为佢用千岛酱又甜甜酸酸咁，加上佢既配料比较日式，食落真系好夹，加上佢有紫菜，食茖有少少食寿司既味道，因为咁多次都冇试过芝心批，今次就叫左(加左$28)，但可以同大家讲，真系唔好叫啦，因为佢冇乜芝士，唔细心食，真系唔
其实佢比起其他平d之外，讲真，佢真系几好食，佢既炸鸡好食过果间英文字(只系我个人感觉)。
佢有分好多抵食套餐，有分星期一至五套，大胃餐等等，组合都好多选择，一定有适合大家既套餐，仲有散叫，点叫点组合，任君选择。
地点：长沙湾分店
店铺：脆味批
今次我就叫左个大胃C餐，佢系提供比4-5人份量，由于我叫时已经下午1点，我地三个人又乜都冇食过落肚，所以就叫个大少少，就算食唔晒，都可以留起，夜晚食。
大胃C餐:
任何大批一个
意粉/焗饭/小食/炸鸡五件(任选三款)
饮品五罐/餐汤五客/蒜蓉包(任选一款)
大批 - 樱之花
洋葱、粟米、蟹柳、狮子狗、烟三文鱼、紫菜、芝麻
由于我真系好怕洋葱，所以叫左走洋葱，呢个批系我最钟意食，食过其他，我始终对佢情有独钟，因为佢用千岛酱又甜甜酸酸咁，加上佢既配料比较日式，食落真系好夹，加上佢有紫菜，食茖有少少食寿司既味道，因为咁多次都冇试过芝心批，今次就叫左(加左$28)，但可以同大家讲，真系唔好叫啦，因为佢冇乜芝士，唔细心食，真系唔知呢个系芝心批黎，真系唔识都唔知加左。
意粉 - 海鲜阔条面
白汁比较淡口少少同埋杰身D，好多海鲜，好似尤鱼、虾，蚬肉、蟹柳等都好足，配上阔条面，每条面都包到汁，又唔会太水，啱啱好。
小食 - 百里香烧猪排骨
呢个我大系每次都要叫，虽然跟餐要加$12，我都觉得好抵食，因为佢份量唔少，佢既百里香同其他香草味配得啱啱好，又唔会抢晒本身排骨味，就算佢烧完，都仲可以保留肉汁，你话，我又点可以唔叫呢？
炸鸡 - 原味
真系好食过专卖炸鸡(三个英文字)果间，佢又大件又好味，炸得好脆，送到黎仲好热辣辣，咬落去仲好鬼多汁添。
餐汤 - 忌廉粟米
呢个好普通，唔多介绍啦！
额外追加 - 超级拼盘
紫菜炸鸡卷、春卷、咖喱角及物盐酥鸡各3 件，佢既炸物唔洗讲再介绍，睇炸鸡就知道，但佢既春卷同咖喱角，食落D童年回忆返晒黎咁，好有童年食既味道。
重点一提，佢分店系长沙湾，送到黎红磡，应该会冇咁热，但可能佢既保温真系做好好，所有野都即叫即做，所以送到黎都系热辣辣，呢个真系加晒分。
温馨提示，佢现时只有九龙同新界有分店，如果住香港岛同离岛既朋友仔，可能冇呢个口福啦！但你地又可以诋下问下佢送唔送，因为红磡都冇分店，佢都系系长沙湾送过黎，千万唔好怕丑问一问啦！
张贴
