海魂燒 (已結業)

今晚同朋友去食日本野，想食呢间日本餐厅好耐。店外面有好多菜色相，睇落几吸引。我地黎得比较早，唔驶等位就入得，我叫左铁板和牛，照烧金菇牛肉卷，黑松露温泉蛋三文鱼脂海胆石锅丼，盐烧鸡翼同鸡软骨。先讲下照烧金菇牛肉卷，牛肉卷肉质好嫩，酱汁入味，金菇爽口。盐烧鸡翼同盐烧鸡软骨都好惹味，用椒盐烧烤过，特别香口。铁板日本和牛，未烧嘅和牛油花均匀分布，色泽鲜明，一睇就知高品质。和牛由客人自己系桌上型瓦斯炉上面烧，自问自己烧得都唔错，哈哈，和牛肉质鲜嫩又甘香，放牛油一齐烧，香甜可口，加埋菜穿插食用，味觉得到平衡。黑松露温泉蛋三文鱼脂海胆石锅丼，三文鱼肉质香口滑溜，海胆几新鲜，鲜甜冇苦涩味，黑松露真系好香，食落齿颊留香。朋友叫嘅青柠柚子梳打，好似唔错。我叫左杯热柚子蜜，几滋润。几好食嘅一餐日本料理。