小聚嚐鮮

营业中

休息中

同朋友相聚嚟到黄埔天地嘅美食坊食嘢，星期日中午时段人流都几多，但未至于要排队等候。叫咗几款经典点心。首先有山竹牛肉球，用牛肉、马蹄、葱、陈皮等调味料制成而成，再放喺腐竹上。牛肉球口感嫩滑，偏软唔爽，喜欢。烧卖有四小件，食落烟韧，冇咩粉感又无雪味，鱼味都突出，一人一粒差唔多。好食嘅叉烧包皮要够松，肉要够嫩，呢度都做到。酱汁咸香不腻，份量适中。酱皇蒸凤爪都有特色，吸满甜甜嘅酱汁，肉质脆弹，好惹味，配饭一流。鲜虾肠唔算好透薄，但入口几滑身。里面个虾仁都几好食，配埋豉油食，唔错。炒饭好大一碟，足以大家食。饭炒至粒粒分明，干身，有镬气。