街知巷聞 (已結業)

本身唔系话太钟意食糯米滋，但行经此地，朋友又话想食，咁就买廿蚊试吓。糯米滋有好多口味供选择，而且卖相好靓，唔同味道有唔同颜色，仲有其他既糕点望落都唔错。咁就买六粒糯米滋试吓，有芒果奶皇、黑芝麻和香蕉朱古力各两粒，我和朋友每人食三粒。黑芝麻算系最传统既一款，但佢比我在酒楼食开既好，皮好软熟亦好烟韧，口感好正。芒果奶皇亦不会逊位，好香芒果味，仲有芒果肉，感觉好清新。最特别既香蕉朱古力亦有惊喜，有香浓既朱古力酱夹杂住少少香蕉肉，好新鲜。虽然对佢的味道和卖相都有好高既评价，但吹毛求痴ｄ讲，佢系太"漏"，食三粒之后感觉唔系话好饱，但系就"漏"到食唔落其他野。