大四囍

营业中

休息中

一家四口去食饭，嗌咗咕噜肉、干炒牛河、星洲炒米、炒鱿鱼、菜同埋蚝饼。服务 ok (啲阿姐唔系好醒但算有礼貌）环境 ok （地方比较细但我钟意佢够光猛）。除咗星洲炒米同埋煎蚝仔饼之外，啲嘢算几好食。星洲炒咪比较普通，而煎蚝饼就一啲都唔系平时潮州食店𠮶啲煎蚝仔饼，系用好多炸粉炸出嚟嘅蚝。因为我哋屋企系潮州人，所以爸爸对呢一碟𩠌有啲期望，但嚟到之后打咗个突，食咗一旧然后唔肯再食 😆而且所有𩠌菜嘅份量真系细，我哋一家四口都觉得每人食得𠮶少少唔系好够，幻想下如果我要带朋友嚟，一枱六七个人但碟碟𩠌都细到咁，真系唔知点样招呼朋友。住咗喺跑马地40几年，附近有间新餐厅梗系开心，讲真啲嘢都算好食，两个人系可以嘅，但一家人我就唔会再去。