半熟工房 (金馬倫道) (已結業)

呢个半熟芝士挞人气咁旺系人都想试啦！但讲真要排上两个钟去买，我又真系唔会啰！今日大约六时经过见仲有人龙，我问问店员大约何时会卖完呢？店员答我大约七时，于是我打算七时再到碰碰运气，应该开店咁耐，都无咁多人买啦（我心想）。。。结果我七时再到，真系只有十数人排队，于是我立刻排队啦！正当我谂紧买几多的时候，店员叫得返最后一盘供售卖！呀。。。好紧张呀！唔知我买唔买到呢？最后到我的时候只剩一件，唉，好过无啦，买咗之后就地正法！一啖咬落去味道无的想像中浓，芝士系半固体状态，都可以叫好食啦！但同我想像的差不多，不算惊喜！之后唯有再买佢另一人气食品，半熟芝士蛋糕，一盒5件 ＄75回家慢慢食。个芝士蛋糕的味道并不陌生，就好似一般日本芝士蛋糕，但佢特别在分了上下两层，上层系cream状的，下层系海棉蛋糕，变得有层次，好食。总括黎讲，个挞同蛋糕都算好食，有机会会再买，但如果要排长龙买的话，我觉得唔藉得，老实讲价钱唔平，已反影咗佢的价值。