泰嘟嘟

营业中

休息中

一踏入「泰嘟嘟」就被小編最愛嘅霓虹燈吸引😍佈置好用心啊！牆上仲有泰拳拳套、波衫，大枱就整到篤篤車咁，勁colorful！想講連出餐嘅碟啊盤啊呢啲都有特式。招牌焗黃咖喱麵包軟殼蟹($168)••••••🤤不得了不得了！一磚麵包裝住酥香軟殼蟹🥰好震撼！麵包切開，點啲椰香味濃，又帶點甜嘅黃咖喱汁，好好味啊真係☺️。豬頸肉啫椰菜苗煲($76)••••••唔係講笑，煲仔上枱仲吱吱聲🤣真正熱辣辣煮起，豬頸肉切成條狀好爽口，份量幾多，欣賞呢度嘅菜唔會太重口味死鹹。海鮮炒粉絲($68)••••••滑溜粉絲炒得好香，連配菜紅椒青椒洋蔥都好食，海鮮存在感就弱啲，魷魚食得下。印度薄餅($32)••••••類似酥皮牛角包嘅感覺，好難唔好食喎😋就咁空口食都好正，因為夠熱夠鬆化，而且唔係油林林👍🏻。