友記餃子

营业中

休息中

印象中嚟呢度食饺子都好几次，不过冇影相冇写食评，今次咁岩记得影相就分享下啦！同附近几间鱼汤饺子比较呢间质素唔差，而且冇咁迫添，但如果系呢个位置咁多年，我相信佢都keep到食物品质，不得不赞每次嚟食既味道都一样冇点变过。芹菜猪肉饺＋云耳椰菜猪肉饺子两款都好味，芹菜同云耳饺食落都比较有口感，芹菜就爽d，云耳椰菜就多一份甜味，饺子既调味适中，啖汤亦唔会好重味精，汤就饮唔到又鱼味但都算唔错，我食完8只饺子，汤都饮得7788，杯饮品就唔好有咩要求。另外两款饺子我都试过，韭菜饺同栗米饺都唔错，个人喜好芹菜同云耳多d；好几枱客都同我一样堂食完都会买一两打拎走，其间你会见到佢外卖生饺子都多。饺子又大只又平，我记得以前有多一两款是日精选饺子贴系墙上面，今次就见唔到。如果钟意香口就拣煎饺，但相对比较腻，汤饺冇咁干，呢d天气食完就暖d，蒸饺都唔错原汁原味。价钱反映食物质素，小店算keep得几好。