影片
更多
2024-10-29
148 浏览
嗌咗担担汤+刀削阔面+盐酥鸡一食好惊喜，冇谂过咁好食！！担担汤好浓，好香麻酱味，仲有得拣辣度。食完个面我仲饮咗几啖汤，好好味。面条都中上，有咬口又唔会太韧。卤蛋中上，唔会太干又够味。肉燥好食，够味够香又唔会太肥，但又唔鞋烚烚。盐酥鸡中上，外皮够脆，肉唔算嫩但唔鞋，食完唔会好口干好涸喉。唯一系调味咸咗少少。饮品拣咗跟餐珍珠奶茶，好香茶味，仲有幼滑嘅口感。珍珠都中上，有咬口香香地，唔系得旧粉。呢间舖头嘅台式饮品系认真嘅，唔系跟餐就求其冲杯嘢嚟hea你，系真系可以攞出去卖嘅质素，但佢跟餐仲要唔洗加钱，真系良心价😂埋单$58，真心觉得好抵食，每样item都满意又够饱，其实佢卖贵$20都仲得店员仲好好礼貌，虽然座位窄坐得唔系咁舒服，限时又有d短，但咁嘅性价比真系完全唔会令人唔开心！整体嚟讲，感受到老板系识食嘅（因为好多时出街食饭都心谂个老板系咪冇味觉，咁嘅质素都攞出嚟卖），而且亦都有心去提供好嘅食物同service俾客人。食完好满足，嚟开西湾河一定会再帮衬！
一食好惊喜，冇谂过咁好食！！
担担汤好浓，好香麻酱味，仲有得拣辣度。食完个面我仲饮咗几啖汤，好好味。面条都中上，有咬口又唔会太韧。
卤蛋中上，唔会太干又够味。
肉燥好食，够味够香又唔会太肥，但又唔鞋烚烚。
盐酥鸡中上，外皮够脆，肉唔算嫩但唔鞋，食完唔会好口干好涸喉。唯一系调味咸咗少少。
饮品拣咗跟餐珍珠奶茶，好香茶味，仲有幼滑嘅口感。珍珠都中上，有咬口香香地，唔系得旧粉。呢间舖头嘅台式饮品系认真嘅，唔系跟餐就求其冲杯嘢嚟hea你，系真系可以攞出去卖嘅质素，但佢跟餐仲要唔洗加钱，真系良心价😂
埋单$58，真心觉得好抵食，每样item都满意又够饱，其实佢卖贵$20都仲得
店员仲好好礼貌，虽然座位窄坐得唔系咁舒服，限时又有d短，但咁嘅性价比真系完全唔会令人唔开心！
整体嚟讲，感受到老板系识食嘅（因为好多时出街食饭都心谂个老板系咪冇味觉，咁嘅质素都攞出嚟卖），而且亦都有心去提供好嘅食物同service俾客人。食完好满足，嚟开西湾河一定会再帮衬！
张贴