廣東名門 (三聖市場)

营业中

休息中

屯门对于好多人黎讲就系远同乜都冇, 但其实屯门都有好多好野食架, 三圣系近年好出名食海鲜既地方, 今日我就同朋友专登走入去食。讲真, 市区搭车入去都成粒钟, 但其他食海鲜既胜地都差唔多啦~ 其实个度好多大大细细既餐厅, 不过我地就拣咗最近海鲜档既广东名门去食, 见佢装修四正, 应该冇死挂我地先去对面买咗一桶蚝, 一斤螺同两只蟹去食, 去到再点菜同加个伊面。其实我好少食海鲜, 所以都唔知有咩煮法, 交哂比个经理话事hahaaaa同佢倾好点煮就坐低等食喇。讲真个日闲日黎, 去到又八点几, 我地已经好肚饿, 而啲菜都出得几慢,等得好苦 :’(几经辛苦终于等到第一味辣酒煮螺, 新鲜滚热辣! 啲螺又入味, 倾住计撩下又一粒拣下又一粒, 真系令人好开心~之后就系砵酒煮蚝, 啲蚝大大只, 夹埋个甜甜地又浓郁既酱汁, 当下好想叫个白饭捞饭食啊盐焗蟹就冇咩特别, 不过只蟹都仲有好多膏, 好食呢间野煮海鲜真系有一手, 不过自己啲小菜就一般般喇。油麦菜太油喇, 伊面都太淡, 配料又唔多, 好似食净面咁。不过围返埋有海鲜食, 每人都系二百蚊左右, 收货啦!