越Home 越式料理

营业中

休息中

星期六晚上，隔离几间装修比较精致嘅食店都大排长龙，但呢间唔洗排队。可能因为装修比较简陋，灯光白光，少少暗。不过之前食过几次味道都唔错，所以决定入去食。今次叫猪颈肉汤河加热阿华田（$59，免加一）。 一嚟到，汤河非常大碗。钟意佢猪颈肉同河分开上，啲肉唔会淋哂。猪颈肉非常入味，弹牙唔韧，有少少㶶边，份量多，好满意。河粉软滑，量多；牛骨汤浓，稍嫌有少少咸，自己加咗少少水，味道就啱啱好；白萝卜清甜无渣入味 。热阿华田亦非常值得一赞，虽然用胶杯装，但次次饮都咁香浓，系茶餐厅质素阿华田。总括而言，周末晚市呢个价钱呢个质素，非常满意。