紹華小廚

营业中

休息中

Instagram 见到有food KOL 介绍呢间平民饭店，出名嘅系煲仔饭及小菜。个地址附近有得泊车，非常好，但个门口有啲难揾，泊完车兜咗少少路先揾到。我喺平日放工后7点嚟试，唔系太多人，座位任坐，老板亲切，介绍有咩煲仔饭，食佢传统及新款，叫咗各样一款，觉得佢真系比出面其他店嘅好，原因佢哋啲饭一啲都唔会油淋淋！饭焦仲好香！价钱超值。虾酱肉眼筋煲仔饭，超钟意！佢啲虾酱唔咸，味道岩岩好，我要求少豉油，所以色水浅色啲，但佢本身味道好够，我钟意佢啲肉好弹牙，虾酱味唔太浓及咸，饭焦亦好香。好特别，猪膶黄鳝煲仔饭，加膶肠，好食，啲味好入到啲饭，猪膶好香，如果下次再食，我会想加只蛋，或加啲葱，会更香。金银蛋煮白菜，清清地几好。