孖寶去骨海南雞 (又新街)

营业中

休息中

呢晚同屋企人嚟到又新街呢间《孖宝去骨海南鸡》食晚饭。去骨海南鸡饭餐 ($52) - 饭餐如果要碟菜就$62，我拣过无菜版本，盛惠$52。卖相漂亮，鸡皮够黄够爽滑，鸡肉嫩滑有鸡味。油饭够味，粒粒分明，软硬适中。跟嘅三款酱汁：姜蓉、甜酱油膏同甜酸酱都唔错。口水鸡饭餐 ($52) - 同样亦系有跟菜要$62，冇菜$52。鸡肉嫩滑，够鸡味，口水鸡酱汁酸酸辣辣，仲加有干葱，非常惹味。底部嘅芽菜亦好爽甜；油饭同样出色。两个餐都跟有例汤，南瓜粟米红萝卜汤够晒鲜甜。呢度嘅鸡饭味道唔错，相信我哋会再嚟帮衬。