樺得園 (已結業)

同事睇过话想试呢间，望过价钱都ok 决定今日食，呢到星期一至五有午餐$6x 一个有汉堡or 意粉加汤同野饮，冇加一，但晚餐会有加一服务费，我叫左个午餐 夏威夷汉堡，饮百爵茶，另外加$15 可加薯条，薯角或者牛肉沙律，我就加左个薯角，叫左等左阵，餐汤上先 系磨菇忌廉汤，好浓磨菇味唔错， 跟住就上薯角，份量唔少 好多薯仔 食落都几饱肚，我同事佢觉得一般，因为呢只唔系炸得太脆, 但我个人觉得几好 唔太油，杯百爵茶好香好好饮，最后到主角汉堡，好大个，但块肉又唔算好大，食落个包都可以，芝士反而冇咩味，仲有酸瓜，蕃茄同生菜洋葱，牛肉多汁，多到流出来，整体好味，绝对会有下次，同事叫左个午餐汉堡，炒什菇，沙律同多士，佢评价都好好，下次来可能试佢个冇包汉堡，上下两块劲厚芝士当包，$98 一个，叫做金文拔牛肉汉堡。