The Vigor (水渠道) (已結業)

今日去开金鱼街买野，见到落雨就想买外卖返屋企慢慢食。行行下见到呢间西餐小店，又有小食又有意粉，就决定试下佢。见到佢有个二人餐好似几抵食就叫佢啦。我哋要左两份单骨鸡翼，一份香草烟三文鱼带子炒意粉，另外两份小食补钱要左一份杂菌炒露荀同一份秘制酱油肥牛炒肠粉。好快拎到返屋企，热辣辣就有得食。鸡翼有脆香鸡翼嘅感觉，好脆好香口。炒意粉好大份，好入味，配料好多，就算外卖拎返屋企仲keep到爽口嘅感觉。两份小食都好好食，露荀好香好入味，炒肠粉个秘制酱油好好食，食完一条又一条。如果过开嚟，推荐俾大家试下架！