Châteraisé

营业中

休息中

经过，见好多人帮衬。于是行近望望，系出边见到蛋糕、切饼好精美！咁就买左三件试下，原味千层同两件朱古力味蛋糕。睇个样，好吸引！三件拎回家都完好无缺，有层透明胶膜包住，打开包装盒！食欲大增！迫不急待喇~~件原味千层应该有成20层吧~cream好香奶油味，同皮既比例刚好！食落口好清新舒服、唔漏，好好味！件朱古力切饼，食落好有层次，面头既可可粉好香，恰好系我钟情既微苦！呢件系软滑既朱古力。另一件方形既就系偏硬实口感。同样系微苦朱古力，个外皮咬落有些脆脆地，内里是软的，上边个粒朱古力厚实，食落高质。三件都好正！讲唔到边件最好食，各有千秋~唔识形容，总之同另外两家出名连锁饼店比较，X-1、XX tomato，我个人系喜欢呢间既蛋糕，而且价钱相差无几。卖相精致之余，食得出蛋糕系用靓料整既用心之作。下次买西饼既首选，食过后就不会犹豫拣呢间。食完都念念不忘，心里比好高评分。三十几蚊一件，系比其他饼店CP值高。