山東餃子館

营业中

休息中

今日放假同朋友出左長沙灣搵食，天氣好熱成30度熱到個人都無乜胃口，唔知點解一熱就食唔落飯，於是揀左一間餃子館試下。佢有好多涼拌小食可以開下胃都唔錯。小食我地揀左個山東手撕雞，一碟手撕雞上面有啲生蒜同芝麻，再喺上面淋啲醋，食落好香好勁蒜味！主食方面我地各叫左一款淨餃子同一款雲吞，我叫果款係「香芹鮮肉水餃」，一碟有10隻，每一隻水餃都好飽滿，餡料漲卜卜。一咬開隻餃子果然好多餡料，芹菜好香，餃子皮煙煙unun幾好食！呢個係朋友嘅8隻菜肉雲吞！