影片
更多
5天前
0 浏览
喺观塘嘅Plato Cafe & Bistro，我最近试咗几道菜，真系相当满意！呢间餐厅环境舒适，适合朋友聚会或者轻松嘅午餐，食物质素都唔错。之前食个佐敦分店，keep 到水准，都系咁好食。首先，系今日嘅餐汤—南瓜汤。呢碗汤滑滑哋，味道浓郁，南瓜香气十足，饮落去非常暖。跟住就系蜜糖柚子鸡翼（5只），呢个小食真系一绝！鸡翼外面烤得香脆，鸡肉够嫩滑。蜜糖同柚子酱嘅组合非常特别，甜中带酸，滋味十足，酱嘅份量好多，食完仲有，隔离仲有沙律菜，配搭健康。再嚟就系西班牙海鲜饭，呢个真系一个大惊喜！米饭煮得刚好，海鲜新鲜，仲有浓郁嘅海鲜味，海鲜基底系龙虾汁，浓郁好味。海鲜有虾，带子，青口，蚬，食落去好满足。每一口都可以感受到鲜味，绝对值得推介。西班牙黑毛猪鞍都唔可以错过，肉质非常嫩滑，猪够厚但一d 都唔老，烧烤味道浓烈，一入口就食到浓郁烧烤香气，搭配上特制苹果酱，超级清新，就咁食都好好食，真系好味到无得顶。仲有沙律菜&薯仔伴碟，份量好够，而且调味好好，好食，推介。最后，饮品方面我选择咗跟餐嘅冰果茶（冻）。加钱叫嘅特浓朱古力超级推介，同Govida饮开嘅朱古力有得挥，巧克力味浓厚，甜而不腻，食完之后心情
首先，系今日嘅餐汤—南瓜汤。呢碗汤滑滑哋，味道浓郁，南瓜香气十足，饮落去非常暖。
跟住就系蜜糖柚子鸡翼（5只），呢个小食真系一绝！鸡翼外面烤得香脆，鸡肉够嫩滑。蜜糖同柚子酱嘅组合非常特别，甜中带酸，滋味十足，酱嘅份量好多，食完仲有，隔离仲有沙律菜，配搭健康。
再嚟就系西班牙海鲜饭，呢个真系一个大惊喜！米饭煮得刚好，海鲜新鲜，仲有浓郁嘅海鲜味，海鲜基底系龙虾汁，浓郁好味。海鲜有虾，带子，青口，蚬，食落去好满足。每一口都可以感受到鲜味，绝对值得推介。
西班牙黑毛猪鞍都唔可以错过，肉质非常嫩滑，猪够厚但一d 都唔老，烧烤味道浓烈，一入口就食到浓郁烧烤香气，搭配上特制苹果酱，超级清新，就咁食都好好食，真系好味到无得顶。仲有沙律菜&薯仔伴碟，份量好够，而且调味好好，好食，推介。
最后，饮品方面我选择咗跟餐嘅冰果茶（冻）。加钱叫嘅特浓朱古力超级推介，同Govida饮开嘅朱古力有得挥，巧克力味浓厚，甜而不腻，食完之后心情即刻好返！
整体而言，Plato Cafe & Bistro嘅食物质素高，环境舒适，非常适合聚餐或者轻松嘅用餐时光。下次我一定会再嚟试下其他菜式！
张贴
