Shake Up! (已結業)

今日放假行尖沙咀突然谂起曾经系instagram见过嘅一间新开milkshake shop，俾佢upload既图吸引咗所以决定去试一试。位置虽然唔系十分旺，但系美丽华商场行去大约只需5分钟都唔洗既路程，所以都算方便。今次去到门口有位可爱既小妹妹帮手派传单，仲好有耐心咁介绍咗店入面唔同特色既奶昔。可惜当日去到只得返士多啤梨奶昔同白雪公主，最后拣左士多啤梨奶昔。卖相方面都好吸引，粉红色加上七彩既朱古力针。而味道方面甜度几适合我，口感奶昔几香滑，加上佢有少少硬脆既朱古力针同埋士多啤梨肉，有几种唔同既质感味道。下次一定要试埋其他味道。最后有少少建议，饮用前最好搅匀佢，等饮用时个味道会均衡啲。