幸福堂 (已結業)

平时成日黎到旺角行街，都会去买杯珍奶饮下，今次都唔例外，去左登打士街揾下买边间饮！最后都系拣左好出名嘅正版幸福堂！呢度会有成镬黑糖珍珠系度，即场倒落杯，职员仲会整埋啲黑糖扭纹系杯边，令到成杯野饮卖相加晒分！今次我就拣左黑糖珍珠鲜奶同埋红豆鲜奶！黑糖珍奶就必饮，皇牌招牌一定唔会伏！职员提我地饮之前一定要搅匀，啲珍珠好甜好有𡁻口，烟烟unun，唔会淋到一pat野咁！鲜奶嘅奶味又好香！配埋黑糖口味好夹！好好饮！而红豆鲜奶就好少见，就心思思想试！味道原来都唔错！红豆加埋鲜奶咁饮！唔系净系𡁻珍珠，转下口味𡁻下红豆都几新鲜！下次想试埋火焰版黑糖珍奶！最到其他食客饮都觉得好吸引！