一起‧金饍 (已結業)

从来都不太偏好韩式料理，好不经意地经过然后入咗嚟，抱著试下新嘢嘅心态入嚟试下。晚饭时间都唔使排队等位，而且质素都有番咁上下，未食过都值得一试嘅！唔知食咩好？可以学我哋点呢个呀猪妈餐，又或者韩式烧烤餐亦得！芝士拼盘（炸虾、薯蓉波波、鸡翼）～炸物连同鸡翼都浸咗系融化咗嘅芝士中，实在系一碟好饱肚又令人满足嘅头盘。食呢个拼盘当然唔少得芝士拉丝环节，真系你钟意点拉都得，来到半个人咁高都得！牛肉泡菜部队锅～大大锅嘅部队锅，材料应有尽有，包括年糕呀、粉丝呀、大量泡菜呀、滑豆腐呀等等，但可惜欠缺咗我至爱嘅午餐肉同埋芝士。补充返，虽然有大量泡菜，但系唔使担心佢会好辣，反而系比我预期嘅味道较淡。韩式泡菜炒饭～炒饭放在铁板上，底部有蛋浆连同少许芝士，用铁匙搅拌起来味道真的很香喷喷，甚至比部队锅闻起来更吸引。猪肉炒粉丝～呢个系餐厅职员特别介绍，唔辣嘅首选！这道菜算系比较失色，粉丝都湿湿嘅黏在一起，猪肉份量也不多。上面咁多嘢食咁丰富，我哋两个人最终就梗系食唔晒啦！所以我嘅建议系下次揾好一大班朋友先好叫 set menu，否则散点就好，千祈唔好做大晒鬼！