板橋壽司 (已結業)

落雨懒得出街食，所以就近近地系楼下食算喇。叫左个2人餐，都有7、8款野食，我地三个人食都好饱。话左话三文鱼腩汤，其实只系面豉汤放左旧三文鱼落去姐。面豉汤比够淡味，但胜在配料够多。有三文鱼、昆布、豆腐、红萝白、金菇(我都觉得好奇怪)配够。刺身八小块，唔新鲜，仲梅梅地咁。呢个好味，烧得几香口，虽然几大个，都全部食哂。特式烧饼仲以为大阪烧，点知真系好特色，从未食过。系四块三角形既面粉，上面有千岛酱、鸡肉同木鱼。个饼系超级难食，无味又厚，食紧面团咁。所以都系食左啲鸡肉就算。牛少得可怜，洋葱先系主菜。牛柳好韧，咬唔开。不过洋葱几好味，入哂牛肉同酱汁味，洋葱全部食哂。呢个都炸得好味，落左少少盐，咸味适中。不过要趁热食，冻左就会好油。听完个名都唔知系咩黎，其实姐系海鲜杂菜锅。有菜、金菇、虾、芋丝、鱿鱼。汤底无咩味。普通杂菜锅一个，海鲜得好少，又唔新鲜。仲有个炒饭，不过唔记得影相。个饭炒得太干身，啲饭好硬，唔好食。呢个唔系跟餐，散叫的。但每次去都一定会叫，虽然只蚝细只到蚝豉咁，但佢个沙律酱系超好味。估唔到沙律酱配蚝系咁衬，酸酸甜甜减轻左芝士既肥腻。真系食一打都得。