和平飯店 (V Walk) (已結業)

今日去咗V walk嘅和平饭店食晚饭，四个人叫咗好多𩠌，食到好饱！先讲吓呢间餐厅嘅特别之处，就系因为疫情关系，佢分咗上菜同执枱两款侍应，所以唔可以叫执枱专员点菜，亦唔可以叫上菜嘅侍应收拾枱上嘅碗碟，感觉好卫生！糖醋鱼块好大碟同埋真系好多鱼肉，个汁教得几好，因为有菠萝嘅关系，食落去甜得来有少少菠萝嘅酸味同香味，增加左个汁嘅层次感！韭黄炒鳝糊其实都几大碟，不过鳝就比较少，唔好睇佢咁深色，但味道偏淡，韭黄炒得够爽口，不过不失。水煮牛肉呢个水煮牛肉冇得顶，个汁真系好麻辣，食完几啖之后个口有一阵阵麻痹嘅感觉。佢啲酸菜同牛肉都好多，四个人都食唔晒！不过牛肉就系好一般嘅牛肉，冇咩肉味。东坡肉东坡肉有四旧，个汁好浓所以啲肉好入味，旧肉起码有一半系肥膏，所以食落去好林好香口，不过食完一旧之后有啲后悔，好肥呀😅四川担担面汤底够浓，但个人嫌佢唔够辣同埋唔够花生香，面都几多，不过好似煮耐左，好淋同散散地。雷沙汤丸呢个雷沙汤丸真系值得一赞，唔知系唔系侍应即刻攞过嚟，黎到时好够热，又够多粉，食落去感觉好足料。豆沙锅饼呢个𩠌比较少地方有，所以特登叫黎食，入面啲豆沙蓉好香，但略嫌少咗啲，尤其系四个边位，得一半有蓉。窝