匠工房秀吉 (已結業)

去一田时行过咁多次都想试, 今晚揾个机会约人嚟food count试一试, 不过就超多人排队, 平时要等咁耐的舖头我系唔会等的, 但今次真系想睇下佢系咪真系咁好食, 所以点都要等下~其实佢选择唔多, 不过我第一次食, 就觉得花多眼乱, 第一次试, 就贪心少少, 叫个三拼试下~   炒面 好似早餐食果d炒油面咁, 面质林咗d, 好彩有d菜丝, 感觉上冇咁油腻~  烧饼好有惊喜, 开头由边开始一啖一啖食, 都系菜同粉浆, 但食到近中间, 原来面头果块系烟肉, 因为佢比d木鱼遮住, 完全睇佢唔到, 块烟肉煎到好香脆, 我平时唔食烟肉的, 怕佢肥, 但佢煎到干哂, d肉好脆口, d肥膏都唔油腻, 面头亦好有心机吱d沙律酱, 幼幼的又满满的~  章鱼丸有4粒, 一口咬开, 中间一大粒章鱼粒, 但外围系空心的, 唔会成粒都系粉, 粉团只系外围, 中间只有1粒章鱼粒, 咁咪唔会饱济啦~  柠檬茶汽水机货色, 呢度全部饮品都系汽水同柠檬茶, 冇其他选择, 因为佢系要+$4, 所以唔饮汽水的话, 可以连4蚊都悭返